فتات شخشوخة مورق
اطراف دجاج او لحم
4 حبات بطاطا
حبة بصل متوسطة
ملعقة طماطم مصبرة
قليل من زيت
مع ملعقة سمن
1 فلفل حار
كاس حميصة طايبة
ملح ،
فلفل اسود،
فلفل عكري حلو والحار
،قرفة او الحرور
طريقة التحضير
1 العجينة: كيلو سميد رطب + رشة ملح + ماء نلم بيه العحينة و نجيب كيس غذائي نعمرو الماء سخون من بعد نفرغو نحط العجينة داخل ونغلق ونخليها ترتاح مدة ربع ساعة من بعد نخرجها اذا كانت ناشفة نضيف قليل من ماء وندلكها شوية من بعد نعيد العملية مرة ثانية مدة ربع ساعة اخرى من بعد ندير كريات ندهنهم بالزيت ونخليها ترتاح نصف او ساعة كاملة.نحل العجينة رقيقة شفافة و نطيبها.
2 المرق : ندير زيت +ملعقة سمن نقلي فيهم الدجاج مع حبة بصل من بعد نضيف الخضر ونزيد نقليهم مع بعض على نار هادية مع توابل (فلفل اسود فلفل عكري و الحار و رشة قرفة والملح) من بعد نمرق ونرمي الفلفل الحار فيه
3 في نص طياب نضيف ملعقة الطماطم المصبرة ونخلي المرقة تاعنا تجمر
4 ملاحظة :اذا درنا اللحم الخضر نديرها في نص طياب لان اللحم يطول فالطياب على الخضرة اذا درناها فالاول راح تتحرر وتذوب
5 في للاخير نفتت الشخشوخة متوسطة ونفورها و نضيفلها ملعقة زبدة نريحها او نحلها بيها ونديرها في صحن ونسقيها بالمريقة تاعنا ونزينها بالخضرة والحار والف صحة وهناء
ليست هناك تعليقات:
إرسال تعليق