المقادير :
4 بيضات
كاس سنيدة
كاس زيت
كاس ماء دافئ
3 خمارات
3 معالق كاكاو
2 كيسان فورص مغربل و هذا هو السر للي كيخلي الكيكة تجي منفوخة حيت تيدخل الهوا في الدقيق.
الكريمة :
ربع كاس حليب
2 معالق كاوبيل
2 معالق سنيدة
6 شكلاطات مربعين
معلقة صغيرة زبدة
الطريقة:
نخلط في مولينكس البيض مع السكر مزيان ونضيف الزيت والماء دافي بالتدريج وحنا كنطربو من بعد نصب الخليط في اناء آخر ونضيف الدقيق المغربل مع شوية ملح والخمارات والكاكاو ونخلط من تحت لفوق حتى ينسجم الخليط ونصبه في مول مدهون بالزبدة ومرشوش بالدقيق
مدة 40 دقيقة تكون الكيكة ديالنا واجده و على فكرة انا دخلتها للفرن عاد شعلت عليها
مين تخرج نتسنا عليها شوية ونقلبها في طبسيل ونسقيها بالكريمة.
الطريقة(الكريمة) : نضع الحليب وكاوبيل وسنيدة في كاسرول ونمزجهم ونديرهوم فوق نار مهيلة حتى يغلاو ثم نضيف الشكلاط ومعلقة زبدة وحنا كنحركو ويعقاد الخليط ونصبه
فوق الكيك ونزين باللوز افلي
ليست هناك تعليقات:
إرسال تعليق