كيلة رز
بصلة
3 سنات ثوم
2 حبات جزر
1 فلفلة حلوة
قطع دجاج
ملح حسب الرغبة
م ص فلفل اسود
واحمر حار
ملعقة صغيرة زنجبيل بودرة
ملعقة صغيرة كركم
طريقة التحضير
1 في طنجرة حطي بصلة وثوم مفرومين ناعم قليهم في شوي زيت وزبدة مليح زيدي الجزر مقطع مكعبات صغيرة والفلفل ولوحي توابل م ص من كل واحد ايضا قليهم مليح واذا بغيتي تضيفي لحم مفروم ضيفي وتقدري تستغناي على الخضر واللحم
2 المهم قليهم مليح واضيفي الارز انا كيلت بالباطة نتاع مارغارين لابال 500غ قليهم مليح وتكوني حاطة الماء يسخن كيلي بالباطة زوج كيلات ماء سخون ولوحي فوق الروز خلطيهم مليح وكي يبدى يغلي احسبي 5د ونقصي فالنار طيب على مهل
3 من جهة احكمي اطراف دجاج نتاعك تبليه بنفس التوبل وزيديلو لهريسة وموطارد وزيت وشوي خل او ليمون وخليه اقصر مدة ساعتين مليح يبات ومبعد حطيه في بلاستيك غذائي وعاوديلو في ورق الالمنيوم وحطيه يفور كي يطيب زيني بيه والف صحة وعافية