نحضر مرقة بيضا بالجلبانة وصدر دجاج او اي اطراف من
الدجاجة:
زيت+بصل+ثوم+صدر نقلي مليح ,نضيف ملح +فلفل اكحل +قرفة, نمرق ونضيف الجلبانة ونخليها حتى يطيب الدجاج , نصفي الجلبانة وصدرالدجاج ونبدا طبقات الغراتان
نفتت الصدر نضيفلو الزيتون اخضر مقطع وشوية معدنوس وقطع من الجبن + بطاطا مقلية مكعبات + الجلبانة الطايبة , في مول مدهون بالزبدة نحط الجلبانة ثم خليط اللحم ثم البطاطا ناخذ كمية من المرقة نزيدلها 5 بيضات ،ملح وفلفل اكحل ونضرب بالفرشيطة ونفرغها فوقهم و ندخل المول الى الفرن نتركو حتى ينشف ثم نضيفلو فرماج رابي
بعدما يبرد نقطع الغراتان بالشكل اللي نحب ونقدمو ناشف كمقبلة او مع المرقة البيضا وقطع من الدجاج يكون محمر وشرائح الليمون